Николас Саркози и неговата сопруга Карла Бруни ќе покренат тужба за нарушување на приватноста, откако медиумите објавија снимки на нивните приватни телефонски разговори.
Снимките ги направил блискиот политички советник на Саркози, Патрик Бусон и објавени се во сатиричен магазин, објави Гардијан. Адвокатите на Саркози и на Карла Бруни на суд ќе бараат забрана за објавување на други снимки.
Снимките се првенствено забавни и по малку “срамни”, но постои мала шанса дека ќе го оштетат нивниот углед.
На една од нив Карла Бруни се жали дека нејзиниот статус на прва дама ја загрозува нејзината кариера, бидејќи не може да направи профитабилна кампања за креми против брчки.
“Џулија Робертс, 44, Шерон Стоун, 52, Џулијан Мур, 53. Сите тие имаат големи договори, но јас не можам да ги прифатам во моментов”, вели Бруни.
” Јас тебе те издржавам… а мислев дека се оженив со човек со плата.”
“Се збогатив со женењето ,” Саркози одговорил.
На други ленти, советниците даваат забелешки за присуството на Бруни на состаноците на кои се дискутираат плановите за реконструкција на владата, додека Саркози опишува некои од неговите колеги како идиоти.