Светиот Архиерејски Синод на МПЦ – ОА (САС), на својата вонредна седница одржана денеска посвети посебно внимание на актуелните настани што се однесуваат на воспоставувањето евхаристиска заедница на ерархијата, клирот и народот на МПЦ-ОА со Православните Помесни Цркви како и за конечниот автокефален статус на нашата Света Црква, се наведува во соопштението од денешната синодска седница.
САС на МПЦ-ОА изразува најсрдечна благодарност на Неговата Сесветост Вселенскиот Патријарх г.г. Вартоломеј за патријаршискиот и синодаден акт за канонско евхаристиско единство на нашата епархија, при што прифаќањето е со ексиолошкото име со што се обезбедува вековниот црковен континуитет.
Портпаролот на Синодот, Владиката Тимотеј одговарајќи на новинарски прашања , рече дека не треба да се потценува тоа што Вселенската Патријаршија не признала како Охридска Архиепископија зашто со тоа таа го признала континуитетот на нашата црква олицетворена во МПЦ-ОА.
„Тие нека не викаат како што сакаат, ние се викаме МПЦ, а го користиме и древното име Охридска Архиепископија, затоа велиме тие не признаа под црковното име а ние ќе се викаме МПЦ – ОА. Охридска Архиепископија не е понижувачко име напротив е една историја од 10 века, додека МПЦ сме од 1945 година, не треба ова да се прима на срце како голема отстапка, изјави владиката Тимотеј, портпарол на Синодот.
За преговорите со СПЦ, портпаролот на Синодот изјави дека тие продолжуваат и ќе траат додека не се дојде до моментот за прогласен автокефален статус на МПЦ-ОА.
Во соопштението на САС во делот за преговорите со СПЦ, стои: „Продолжуваат разговорите со СПЦ до уредувањето на конечниот статус на нашата црква како и по препорака на цариградската Патријаршија која во рамките на светоканонскиот чин и црковно предание треба да се уредат управните прашања меѓу двете цркви“.
Синодот на оваа седница уште одлучи да се канонизираат двајца македонски преродбеници олицетворени во личностите на Јоаким Крчоски и Кирил Пејчиновиќ , Лешочки. (М.Т.)