По прозивките во јавноста околу одговорноста за непочитување на мерките за заштита од епидемијата поради што се случи драматичен пораст на новозаболени министерот за внатрешни работи прстот го впери во директорот на Бирото за јавна безбедност, Сашо Тасевски.
“Доколку имаат сомнеж дека полицијата не постапувала соодветно, тоа прашање треба да го упатат до Директорот на Бирото за јавна безбедност и од него да побараат одговорност. Јас во неколку наврати усно преку Координативното тело на МВР, но и писмено побарав навремено, неселективно, целосно и соодветно спроведување на одлуките на владата. Заштитата на здравјето, не е политика. Тоа е оперативно постапување на полицијата што е во целосна надлежност на Директорот за јавна безбедност, факт кој тој во неколку телеграми го потврди и потенцира, порача Чулев на својот Фејсбук профил” изјави министерот Наќе Чулев.
Од своја страна директорот на БЈБ, Сашо Тасевски ги отфрла овие обвинувања во неговата прва изјава дадена за јавноста од назначувањето на функцијата директор на Биротот за јавна безбедност. Во изјават дадена за НОВА, Тасевски побара полицијата да биде ослободена од интересот на партиската политика.
“Јас сум професионалец кој својата кариера ја изгради воМВР, чекор по чекор, без дамки и сенки. Затоа со право можам да кажам дека МВР има професионалци без оглед дали се политички определени или неопределни кои ја сакаат државата и сакаат да работатат почитувајќи ги професионалните принципи. Ако тие се ослободат од партискиот притисок полицијата ќе постапува со сиот свој капацитет и интегритет.
Јас не сум политичар, и затоа нема да се впуштам во преписки со времениот, технички министер. Само ќе го потсетам на неговите изјави дека полицијата нема да казнува и затоа храбро нека се соочи со последиците од таквите негови изјави. Началниците назначени од него се срамат од своите постапки и се борат со нивниот професионализам од една страна и партискиот притисок од Чулев од друга страна.
Зголемувањето на бројот на заболени покажа дека тие партиски мотивирани насоки се одразуваат лошо на сите нас. Колегите се свесни за ова и во периодот кој претстои убеден сум дека ќе го корегираат своето однесување и ќе постапуваат во интерес на граѓаните. Полицијата има единсвена задача, да ги заштити чесните и дисциплинирани граѓани, а да ги казни оние кои не ги почитуваат правилата. И тука не смее и нема да има простор за политичко-партиски калкулации
Исто така би сакал да напоменам дека во МВР има формирано координативно тело со кое раководи техничкиот министер со цел да се бори со пандемијата. Очигледно е дека полтиките кои ги води техничкиот министер во ова тело а кои се операционализираат во оперативата на БЈБ не се на задоволително ниво за кои јас како директор побарав да се променат но не наидов на разбирање” изјави за НОВА, директорот на Бирото за јавна безбедност, Сашо Тасевски.
Тасевски кој во јавноста стана познат како полициски службеник задолжен од МВР за обезбедување на лидерот на тогаш опозициската СДСМ ,Зоран Заев кој извади огнено оружје при инцидентите во Собранието на 27 април, по што дојде до смирување на состојбата и повлекување на толпата во обид физички да ликвидира пратеници од СДСМ.
Сашо Тасевски беше назначен за нов директор на Бирото за јавна безбедност на 22 август 2019 година по разрешувањето на тогашниот директор Лазо Велковски.
Инаку Тасевски е магистер по безбедност и докторант на Факултетот за безбедност во Идризово. Од 2001 година има работено кај претседателот на државата Бранко Црвенковски, во одделот за странски делегации, потоа кај министерот за внатрешни работи Оливер Спасовски.
На почетокот на кариерата бил припадник на единицата за специјални задачи „Тигар“. Има посетувано курс за обезбедување ВИП личности во САД, во 2004