Тирана: Доколку Албанија стане членка на Европската Унија (ЕУ), нема да го употреби своето право на вето против Македонија, рече во одговор на прашање албанскиот премиер Еди Рама. Прашањето беше на студентот од Македонија, Сухеј Мехмеди, познат и како предводник на протестите за полагање на правосудниот испит на албански јазик. Мехмеди како учесник во младински камп во албанското место Јел на средбата со Рама го праша дали по пример на Бугарија, и Албанците од Македонија ќе добиваат албански пасоши.
Рама рече дека одговорот ќе разочара многумина.
Ние не сме земја што може да прави што сака и како сака кога станува збор за работи што се поврзани со внатрешната хармонија на европското семејство. Ова треба да биде многу јасно. Да, Бугарите го направија тоа. Да, вистина е. Го направија тоа кога станаа членки на Европската Унија. Зошто? Затоа што нивниот пасош стана многу силен. Стана пасош што гарантираше движење на другите, одговори Рама.
Ставањето на вето, оценува Рама е состојба на земање на заложништо на една земја од страна на друга и Албанија нема право на вето да му наметне на никого и никаде. Албанија, како што рече, има интерес работите во Македонија да се движат непречено.
Отсекогаш сум бил на мислење дека ветото не му служи на никого. Ветото во пракса е земање заложници и во суштина е се конструктивно и не е корисно за приближување на земјите кон Европската Унија, Европската Унија со земјите и земјите меѓу нив. Секогаш го кажував тоа, дека не е европско однесување. Сепак, ова е прерогатив на земјите што ја имаат оваа моќ, тие можат да ја искористат. Јас лично долго време сум многу посветен на промовирање на поинаков пристап на Европската Унија кон земјите што сè уште не се членки. Важен чекор е направен во оваа насока со новиот план за раст, со документот што неодамна го објавија претседателот на Франција и канцеларот на Германија со дискусиите што се во тек. Имавме дискусии и лично разговарав и повторно разговаравме во НАТО и со канцеларот и со претседателот на Франција за подинамичен пристап и верувам дека земјите што не се членки прво треба да седнат на масата на масата на Европската Унија. Политички, Европа треба да се обедини. Сега секоја земја треба да си го направи својот пат, поглавја, задачи и така натаму, одговори Рама.