Четири дена по одлуката за укинување на мерката куќен притвор, членовите на Левица Здравко Савески и Владимир Куновски, предмалку го добиле писменото решение за укинување на мерката и од денеска се на слобода.
Од Кривичниот суд појаснија дека денеска истекува рокот за жалби, по што Судот ја известил полицијата за правосилноста на одлуката.
Савески и Куновски се обвинети со учество во толпа која извршила кривично дело демолирање на Канцеларијата на Иванов, а време на антивладините протести на 14. април. Тие речиси 50 дена поминаа во куќен притвор.
На последното рочиште во судот, нивните адвокати приложија имотен лист од Народната канцеларија, според кој просторот не е во сопственост на Република Македонија и според кој тие тврдат дека државата да бара оштета.
-Дадоме приговор на вештачењето, затоа што сметаме дека вештачењето е направено од неовластено лице. Не може државнито правобранител самостојно да изготвува вештачење без наредба од обвинител. Друга работа за коај приговараме е сопственоста на тој простор. Согласно имотните листови, сежи, извадени пред два часа, нигде не стои дека сопственик на Кацеларијата на Претседателот е Република Македонија. Епа како сега РМ бара штета, освен за столовите и подвижнит епредмети, туку и за градежните работи кога не се јавува како сопственик?, рече адвокатот Сашко Дуковски.
Од судот посочија дека ќе им треба дополнително време, бидејќи ќе треба да се прибави и договорот за закуп на Канцеларијата на Иванов, со цел да може да се докаже дали таа е во државна сопственост или во приватна.
Главната расправа е закажана за 6. јули.