СДСМ најавува дека ќе го реализира ветеното и во скоро време ќе следи големо покачување и на пензиите, откако неделава беше договорено минималнта плата да биде зголемена на 18.000 денари.
– Како што вети, СДСМ интензивно ја реализира програмата за силна финансиска поддршка на граѓанте во време на криза. Новата Влада предводена од СДСМ, за неполн месец направи историски најголемо покачување на минималната плата, ги заштити граѓаните од ценовен шок за струјата и обезбеди парно греење за скопјани во услови кога градската власт се амнестираше од одговорност, се вели во партиското соопштение.
Сите средства од буџетот, информира владејачката партија, се вложуваат назад во поддршка на стопанството и граѓаните и како што веќе најави претседателот Ковачевски во своето експозе, следен чекор е големо покачување на пензиите.
– Во моментот се работи на модел и пресметки за точна сума која ќе значи силна поддршка за возрасните во услови на криза. Пензионерите се категорија силно погодена финансиски во време на пандемија и затоа Владата предводена од СДСМ ќе обезбеди значајна сума на средства за овие наши сограѓани. ВМРО-ДПМНЕ може да продолжи со опструкциите и блокадите односно она што најдобро го знаат.
Наместо да глумат загрижени за растот на платите и пензиите, додека лицемерно блокираат закони, слободно нека продолжат и со измислените афери и лажниот патриотизам. Тоа е вистинското лице на ВМРО-ДПМНЕ, порачуваат од владејачката партија.