СДСМ денеска на прес конференција обелодени дека судијата Александра Поп Стефанија која го прогласи СЈО за ненадлежно во случајот „Тврдина“ е незаконски е назначена во Одделот за организиран криминал, од страна на претседателот на судот Владимир Панчевски. Тие образложија дека со одлука на Судскиот совет пред два месеца таа и уште шест други судии биле делегирани во скопскиот Суд за прекршоци, но единствено Поп Стефанија без одлука на Советот била донесена во Кривичниот суд од страна на Панчески.
„Ова назначување на Поп Стефанија за судија во организиран криминал е спротивно на Законот за судовите, одлуката на Судскиот совет и Правилникот за работа на Судот. Исто така, незаконска е и одлуката којашто ја донела Поп Стефанија да се прогласи СЈО за ненадлежно околу случајот за уништување на опремата за прислшување. Потсетуваме, во овој предмет осомничени се, меѓу другите, и Гордана Јанкуловска и Горан Грујевски. Поради процесни грешки, меѓутоа и заради неправилности и незаконитости на решението на Поп Стефанија Кривичниот совет на Основен суд Скопје 1 треба итно да го укине ова незаконско решение“, рече Петре Шилегов од СДСМ на денешната прес конференција.
СДСМ побараа од Судскиот совет да поведе постапка за нестручно и несовесно работење против Поп Стефанија и Панчевски.