Куманово веќе со години наназад функционира како личен, криминален вилает на Максим Димитриевски,се наведува во соопштението од СДСМ од прес-конференција на кандидатот за градоначалник на Куманово Мартин Костовски.
Куманово стана алатка за задоволување лични и бизнис интереси. Наместо развој, проекти, резултати, граѓаните добија лаги.
Бројните скандали во изминатиот период го потврдуваат тоа:-Кумовски шеми со парцели. Земјиште од семејството продадено на кумот, па препродадено на ЛИДЛ со профит од 350.000 евра.
-Шеми со станови. Стан во центар на Куманово од 97 квадрати за само 2.500 евра.-Тендери делени на роднини, едниот гради, другиот го надгледува.
И згора на се, повлечено обвинение против Димитриевски во последен момент.Моментално, се прави предизборен поткуп во висина од 42 милиони денари, со бекатонитање по желба на градоначалникот, без никаква техничка документација и без подземна инфраструктура. Ова во Куманово не е локална власт за народот, ова е локална власт за злоупотреби за лично богатење.
А за граѓаните на Куманово нема ништо. Нема гасификација. Нема нови водоводи за канализации. Нема капитални инвестиции од општината.
Се што е направено во Куманово, од реконструкцијата на школите, улици, патиштата инфраструктура , се е работа на Владата предводена од СДСМ.
Општината е со нула резултати. Само хаос, раскопани улици и празни ветувања. Куманово заслужува повеќе. Куманово заслужува чесна, одговорна и развојна власт. СДСМ ќе инсистира на целосни истраги за сите коруптивни шеми на Максим Димитриевски. Куманово нема да биде жртва на кумски шеми и лични профити. На 19 октомври, Куманово ќе каже доста е. Доста беше криминал и корупција. Доста беше богатење на грбот на народот. Граѓаните ќе гласаат за промена, за крај на криминалниот вилает, ќе гласаат за чесна, транспарентна и развојна општина предводена од СДСМ.