Анимиран филм за немирното рипче „Барајќи го Немо“ ќе добие свое продолжение.
Во ноември 2015 во кината ќе се појави цртаниот филм „Барајќи ја Дори“, откри ТВ-водителката Елен ДеЏенерис, која во 2003 година го позајми својот глас токму на оваа зборлеста и пријателски расположена, но со куса меморија сина танг риба.
Во компанијата „Дизни пиксер“ во моментов се окупирани со креирањето на ново продолжение од филмот „Приказна за играчките“, а де Џенерис на Инстаграм и Фејсбук вчера го објави постерот од „Барајќи ја Дори“.
Таа вели дека овој момент долго го чекала, но дека не е лута поради тоа.
– Вредеше. Сценариото е фантастично и го содржи сето она што го сакав и во првиот цртан филм. Приказната е топла и многу смешна, а најдобар дел е тоа што Дори се појавува многу повеќе, изјави таа.
„Потрагата по Немо“ во 2003 година го освои Оскарот за најдобар анимиран филм. Во 2012 година излезе и 3Д верзијата на филмот.