Досега необјавена видео-снимка од настап на македонската музичка легенда Тоше Проески се појави вчера на YouTube, на кој денес му се навршуваат шест години од неговата трагична смрт кај Нова Градишка.
На снимката насловена „Замаен од сонот“ Тоше на пијано ја изведува антологиската „Зајди, зајди“, а под видето стои дека оваа негова изведба е во рамки на промоцијата на неговиот албум „Пратим те“ изведена во винаријата Колар во општината Кнежеви виногради, Хрватска.
Годинава, повторно 16 маратонци во чест на Тоше Проески тргнаа од Нова Градишка на 13 октомври во 6.20 часот, трчајќи по рутата која во спротивен правец беше последното патување на Тоше.Тие треба да стигнат денеска напладне во Крушево на неговото вечно почивалиште.
Тодор Проески – Тоше е роден на 25 јануари 1981. и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик. Музичката кариера ја почна со победата на „Мелфест“ во Прилеп, во 1997. година, и оттогаш настапуваше на сите значајни фестивали во земјава и регионот, а во 2004-та ја претставуваше Република Македонија на Евровизија во Истанбул. Таа година стана и амбасадор на УНИЦЕФ.
Објави седум албуми – неколку и во превод на српски/хрватски јазик.