Велика Британија гласаше за излез од Европската унија, објави ББС. 15,882,960 илјади гласачи гласале за излез од унијата, додека 14, 753, 943 гласале против според последните и многу веројатно финални бројки на Британската изборна комисија. Се чекаат резултатите од уште осум општини кои немаат шанса да го променат резултатот, а излезноста досега е 72 проценти.
Вестименстер, Брисел, Банката на Англика и Европската централна банка ќе бидат под итен и неизмерен притисок да ја смират берзатта, изјави утрово Бил О’Нил, директор на Британската инвестициона банка. „ Но, берзите не чекаат, тие не се сметачки машини тие ќе бидат првите со претерани реакции“.
Некои од пратениците веќе дискутираат дали Дејвид Камерун е вистинската личност која треба да ги води преговорите за излез со ЕУ кои ќе следат по референдумот.
Екстремните десничари во земјите членки на ЕУ веќе се јавија со свои коментари поддржувајќи го Брегзит со предлози за излез и на нивните земји.
Геерт Вајлдерс, екстремен десничар од Холандија, на неговата веб страница напиша дека Британија направи преседан за други членки да постапат на ист начин.
„И ние сакаме да сме главни во нашата земја, со нашите пари, нашите граници и миграцијата. Ако станам премиер и јас ќе направам референдум во Холандија. Браво за Британците, сега ние сме на ред“, рече тој.
Последиците веќе се чувстуваат. Освен што ЕУ се буди без Британија, пазарот на пари е во своевиден кошмар. Берзата во Токиo бележи драматичен пад на фунтата.