Владата на вчерашната седница донесе одлука за укинување на царинската стапка за сите медицински помагала и потрошен медицински материјал што се увезува во Македонија, согласно задолжениета од состаноците на Главниот координативен кризен штаб.

„Одлуката има за цел да се надминат евентуалните нарушувања на пазарот во земјата во однос на снабденоста со овие стоки, како резултат на прогласената пандемија на коронавирусот од Светската здравствена организација и преземените рестриктивни мерки на одделни земји во вид на ограничување на извозот на овие производи“, информира владината прес-служба.