Published: Thursday, November 24, 2016 11:49
Најмалку 67 луѓе загинаа денеска кога се урнало скеле на градилиште на истокот на Кина, јавија кинеските медиуми.
Скелето паднало за време на работа на платформа на разладна кула на електрана во кинеската провинција Џанси, јави агенцијата Синхуа.
ТВ станицата ЦЦТВ објави дека двајца се повредени, а еден се води како исчезнат. Притоа се наведува и дека се урнал и дел од кулата.
Ангажирани се 22 противпожарни возила и 212 војници кои трагаат по затрупаните.
На платформата се работело од јули минатата година, а проектот требало да биде завршен во 2018 година.




