Published: Friday, March 6, 2020 14:43
Од понеделник се враќа во сообраќај патничкиот воз Скопје – Приштина во двата правца. Линијата поради одредени технички проблеми не сообраќаше редовно, а со нивно надминување, повторно е во функција, соопштуваат од „Железници Транспорт“.
Оттаму соопштуваат дека возниот ред останува ист. Поаѓањето од Скопје ќе биде во 16:10 часот, додека возот се очекува да пристигне во Приштина околу 19:10 часот.
Од Приштина поаѓањето ќе биде во 07:10 часот, а пристигнувањето во Скопје во 09:52 часот.
„Воведувањето на редовната железничка линија на релација Скопје-Приштина-Скопје се очекува значително да го зголеми движењето на патниците, уште повеќе со оглед на секојдневните потреби што луѓето ги имаат од двете страни на границата“, стои во соопштението.