Денеска е седми ден од војната во Украина. Руските напади врз украинските градови продолжуваат.
Вчера руски трупи влегоа во Херсон и во Харков, а експлозии и борби има и на територијата на Киев. За време на ноќта е ракетиран градот Житомир и, наместо аеродромот, Украинците тврдат дека проектиили погодиле станбена куќа, при што загинале четири лица, меѓу кои и дете.
Во вчерашното гранатирање на Харков, според украински извори, загинале најмалку 10 лица додека попладнето Русите ракетирале ТВ столб, при што загинале пет лица.
Огромен руски конвој се наоѓа пред Киев. За денеска е најавена и втора рунда од преговорите меѓу руската и украинската страна за прекин на огнот.
Опколен е Мариупол, а претставници на ДНР ветија безбедносен коридор за цивилите за излез од градот.