Вардар и ППД Загреб ќе играат во утрешното финале во СЕХА лигата. Седмиот меч за титула во регионалното ракометно натпреварување, „црвено-црните“ го дофатија по триумфот над Мешков Брест со 25:23 (полувреме 14:10) во второто полуфинале на Фајналфор турнирот во Белорусија.
Дејан Милосављев беше одличен на голот и заврши со 15 интервенции, Стојанче Стоилов, пак, беше беспрекорен во нападот и постигна седум гола од исто толку обиди. Пешиќ на спротивната страна одбрани 11 вардарови закани, по три гола за домаќинот на турнирот постигнаа Ѓорѓиќ, Баранов и Обрадовиќ.
Вардарци утре попладне ќе атакуваат на трет СЕХА трофеј во низа или вкупно петти во осмата издание на натпреварувањето.
Во првото полуфинале, ППД Загреб ја доби хрватската пресметка со Нексе со 28:23.
Големото финале меѓу Вардар и ППД Загреб е утревечер од 19 часот додека Мешков Брест и Нексе од 16.30 часот ќе играат за третото место на турнирот.