Љупчо Стојановски, дедо на починатата Тамара Димовска од Велес е осуден на седум ипол години ефективна казна затвор за обид за убиство на екс министрот за здравство Никола Тодоров.
Во образложението на пресудата судијата Софија Лаличиќ рече дека од изведените доакзи видлива е намерата дека Стојановски пукал и сакал да го убие Тодоров. Обвинителството побара да биде продолжена мерката притвор до правосилност на пресудата, а одбраната повбара тој да биде пуштен бидејќи смета дека ОЈО не понудило цврсти диокази дека тој вооппто имал намера да го убие Тодоров.
Обвинителството смета дека Стојановски во јуни 2017 година со умисла се качил во воз од Велес за Скопје. Прво се упатил кон домот на Тодоров, а откако не го нашол го начекал пред министерството и кон него испукал еден куршум, кој според обвинителството не завршил во неговата глава, оти Тодоров рефлексно се наведнал.
Стојановски има рок од две недели за жалба до Апелацискиот суд.
Претходно, Стојановски беше осуден на условна казна затвор за поседување оружје откако тој ја призна вината. Но Апелацискиот суд Скопје на крајот на јуни годинава ја преиначи пресудата на една година ефективна казна затвор.