Украина добиваше голема помош од сите кои имаа интерес Русија да не победи во таа ужасна агресија, меѓу другото, затоа што сите сметаа и знаеја дека таа агресија освен што го урива меѓународниот правен поредок, нема да заврши на Украина.
Бранко Тричковски
Вака како што Трамп наумил да ја заврши војната во Украина, можеше уште пред две-три години да ја заврши последниот резервен играч на Канзас сити Чифси. Секоја будала на Путин би му ги дал остварени на тацна сите цели на “Специјалната воена операција”, а ако притоа добие за себе некој тон скапоцени минерали, уште полесно и поамбициозно.
Да нема повеќе жртви?
Па така можеа да ја завршат и Втората светска војна, без Нормандија и американските жртви на плажата Омаха и во Ардените.
Не верувам дека има смисла Трамп да се потсетува на што било, но за остатокот на светот па и на Америка, вреди да се потсетиме: Украина беше брутално нападната и тој напад немаше никакво оправдување надвор од империјалните амбиции на рускиот цар. Украина се бранеше и се уште се брани поднесувајки неверојатни жртви во човечки животи и во материјални разорувања. Се бранеше себе, но, како што знаеме, ја бранеше и Европа а ја бранеше и Америка односно нивните интереси и статуси. Затоа што тоа беше така Украина добиваше голема помош од сите кои имаа интерес Русија да не победи во таа ужасна агресија, меѓу другото, затоа што сите сметаа и знаеја дека таа агресија освен што го урива меѓународниот правен поредок, нема да заврши на Украина.
Освен против Руската империја, Украина мораше да ја решава помошта што Москва ја добиваше од Техеран, главниот Трампов “пријател”, во форма на илјадници шахиди и други дронови, помош мотивирана, имено, со тоа што ајатоласите го третираа рускиот успех како пораз на својот главен непријахел-Америка. Мораше да се бори против ракетите и војниците на уште еден американски “пријател”: Северна Кореја. И, конечно, мораше да ја совладува помошта што Путин ја добиваше од третиот голем американски “пријател”- Кина, во форма на заобиколени санкции, особено во сферата на енергетиката и на многу други начини.
Така беше и така е.
И сега најголемиот Американец вика Зеленски ја нападнал Русија и му испорачува ултиматум “земи или остави” при што “земи” значи само малку повеќе од “остави”, односно и едната и другата одредница за Зеленски и за Украина и за слободниот свет, значат-ништо!
Како е можен ваков политички, воен, морален и историски пресврт?
Секира во грбот на оној што бранејки се себе, се борел и за тебе!
Од Фејсбук ѕидот на авторот