Ако јас решам да не ја примам вакцината и сепак влегувам во простор кој што е повеќе од 30 луѓе ги ризикувам сите останати 29 луѓе да бидат заразени од мене, вели Заев.
Премиерот Зоран Заев денеска изјави дека секој има право да избере дали ќе се вакцинира или не. Но, според него, државата мора да води грижа за колективното здравје.
– Ако јас решам да не ја примам вакцината и сепак влегувам во простор кој што е повеќе од 30 луѓе ги ризикувам сите останати 29 луѓе да бидат заразени од мене. Грижата на државата е во колективното здравје. Апелирам да се вакцинираме, бидејќи тоа е единствениот начин засега да ја победиме пандемијата и да се вратиме на нормалниот живот. Вакцините се здрави и се потврдени секаде низ светот. Америка веќе почна со давање и на третата доза на тие со намален имунитет. Ги следиме меѓународните експертски поставености за вакцинирањето и дефинитивно – треба да се однесуваме како останатиот дел од светот, рече премиерот Заев, при увидот на активностите за реконструкцијата на патниот правец Кривогаштани-Житоше, во врска со новите рестрикции коишто од утре ќе почнат да се применуват.