Британската полиција ги проверува тврдењата за сексуално злоставување врз четири жени од страна на Крис Ренард кој е поранешен високо позициониран член на владеачката Либерално демократска партија на вицепремиерот Ник Клег.
Случајот се заканува да ги разниша позициите на помалиот партнер во владеачката коалиција во Велика Британија.
Скотланд Јард ги истражува обвинувањата дека Ренард допирал и давал непристојни предлози на жени во четири одделни случаи во 2003-та година. Ренард ги демантира обвинувањата.
Телевизијата “Канал 4“ минатата недела ги објави сведоштвата на жените, од кои две се поранешни активистки на партијата. Клег во неделатa изјави дека знаел за опасност од однесувањето на Ренард, но за конкретни обвинувања чул од телевизијата.