Лидерот на Алијансата за Албанците, Зијадин Села не ги признава резултатите од денешното гласање на локалните избори. Вели дека во Струга имало поткуп и уцени на гласачи вршени од партиски активисти заедно со полицијата на како што рече, „правната држава“.
„Не го признаваме овој резултат, рече Села и најави дека ќе достават жалби до општинската изборна комисија и до Државната изборна комисија.
Тој му порача на лидерот на ДУИ, Али Ахмети дека го чека на парламентарни избори и оцени дека лидерот на СДСМ и премиер Зоран Заев иако декларативно се залагал за живот, рамноправност и соживот, успеал уште повеќе да ја продлабочи делбата помеѓу етничките заедници во Струга.
„Имајќи предвид дека демократијата е волјата на мнозинството, а мнозинството во Струга е на албанското население, во сите албански села 100 проценти и кај албанското гласачко тело го имаме победено ДУИ и тоа со длабок резултат од два спрема еден. Останува сега тој да даде одговор. Не сме ги изгубиле изборите. Напротив, ако некој сакал да удира врз мојот легитимитет како претседател на Алијансата на Албанците ме направиле уште посилен. Али Ахмети те чекам на парламентарни избори“, изјави Села.
Според неофицијалните информации на партиите, Рамиз Мерко – кандидатот на ДУИ, поддржан од СДСМ го победи Села за околу 500 гласови.