Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Сем Вакнин: Економски аспекти на бегалската криза

0
By Нова ТВ on August 23, 2015 ЕКОНОМИЈА
СПОДЕЛИ
Facebook Twitter LinkedIn Email
Published: Sunday, August 23, 2015 13:11


Македонија прогласи кризна состојба на границата со Грција.
Повеќе од 2.000 мигранти, или попрецизно кажано бегалци, од Сирија, Авганистан, Ирак, дури и од далечниот Пакистан, влегуваат во Грција секојдневно. Тоа се 2.000 на ден.
Потоа Грција им дозволува слободно да излегуваат контериторијата на Македонија, а оттаму во Србија, Унгарија, и земјите од Западна Европа како Германија, или Северна Европа, главно во Велика Британија или скандинавските земји.

Она што засега е јасно, е дека мигрантите не сакаат да останат на територијата на Македонија. Тие не сакаат да живеат овде. Исто така јасно е и дека како што ја поминуваат Македонија, процес кој трае околу десет дена, зад себе оставаат многу пари – купуваат храна, велосипеди, ги подмитуваат полицајците и чуварите на границите. Досега се оставаат околу 10 милиони евра во локалната економија.

Зошто одеднаш паника? Зошто хистерија?
Не сакаат да останат овде, тие само поминуваат и оставаат многу пари. Што ни кажуваат економските податоци кога се работи за миграцијата, а особено ваквиот начин на миграција? Дали е тоа позитивно, или негативно за земјата? Како и секое друго прашање во економијата, одговорот е: Зависи. Што се однесува до богатите развиени земји, миграцијата има само позитивни ефекти, па дури и нелегалната миграција. Но кога зборуваме за сиромашните земји во развој како Македонија, ефектите на краток план се доста негативни и опасни. На долгорочен план пак, се високопозитивни и здрави за економијата.

Да почнеме со негативните ефекти. Како што бегалците влегуваат во земјата, во големи бранови и неконтролирано, под голем притисок ја ставаат и инфраструктурата. Ги користат водата, канализацијата и струјата, а инфраструктурата не е подготвена за толкав број на луѓе – досега, тоа се повеќе од 50.000, така што се стреми кон колапс.
Вториот ефект е дека тие што остануваат, поголемиот дел од нив нелегално, се натпреваруваат со локалното население за работа која бара ниско ниво на знаење и вештина, и работни места за необразованите. Поради овој нефер натпревар, платите се стремат кон намалување. Мигрантите ги потиснуваат локалните плати.

На крајот го имаме социјалниот систем. Мигрантите ги користат социјалните бенефити многу повеќе од локалното население.
Поради ова, лимитираните ресурси на една сиромашна земја како Македонија, се изложени на притисок.

Исто така, бидејќи голем дел од мигрантите, односно бегалците, се млади, нивното присуство во земјата ја зголемува невработеноста кај младите. Повеќето од земјите на Балканот имаат младинска невработеност која е над 50 %. Секој втор млад човек нема работа. Кога мигрантите доаѓаат во такви земји, тие се натпреваруваат со младите директно за овие работни места, така што општо ја зголемуваат младинската невработеност.

Како е да е, доколку на мигрантите им се дозволи да останат легално во земјата, доколку им се дозволи да изградат нов живот во земјата каде што се, дури и кога земјата е сиромашна, дури и кога таа е во развој како Македонија, на долгорочен план ефектот е доста позитивен. Природно е дека мигрантите јадат и конзумираат, така што ја зголемуваат домашната потрошувачка. Со нејзиното зголемување, тие креираат нови работни места за локалното население. Мигрантите исто така отвораат нов извозен пазар во нивните земји, така што со себе носат многу контакти од регионот од каде што избегале. Со тоа локалните компании имаат можност да тргуваат со нивните матични земји.

На долгорочен план, мигрантите плаќаат данок и се доста претприемчиви, и обично отвораат мали семејни бизниси. Плаќајќи данок, тие придонесуваат во даночната каса.
Како што претходно кажав, голем дел од нив се млади и на долгорочен план мигрантите ја подмладуваат земјата. Македонија старее, младите си заминуваат, а старите остануваат тука.

Македонија има потреба од нови млади луѓе. Мигрантите исто така плаќаат придонеси за пензија, така што го помагаат пензискиот систем. Тие плаќаат и здравствени придонеси, и го помагаат и здравствениот систем. Мигрантите на долгорочен план, дури и во сиромашни земји, се од корист и благодет.

Земјите кои во минатото прифатиле мигранти, напредувале и просперирале на долгорочен план. Добар пример за тоа е Отоманската империја, која ги отворила вратите на Евреите од Шпанија, кои биле избркани во 1492 година. По угнетувањето на еврејската популација, Отоманската империја всушност и станала империја. Евреите придонеле за нејзиното издигнување.

Што треба Македонија да направи? Како и обично, како и останатиот дел од Европа, Македонија импровизира и нема план за брзо справување, а треба да го има. Со еден таков план, треба да прими некои од мигрантите и да им дозволи да живеат во Македонија. Мигранти со развиени вештини кои се потребни во Македонија, мигранти кои имаат пари да инвестираат, мигранти со деловни контакти во земјата од каде доаѓаат, мигранти претприемачи кои ќе придонесат за вработување на други луѓе.

На ваквиот тип на миграти, високообразованите и способните, оние со пари, треба да им се дозволи да останат во Македонија, бидејќи на долгорочен план тие можат да придонесат многу.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.