(Инспирирано од карикатура на Брамхол, NYDN)

Тивка ординација. Пациентот дава последни инструкции пред вратата, им вели на агентите на Тајната служба да останат надвор, а потоа се опушта на каучот. Терапевтот држи тетратка и пенкало.

ТЕРАПЕВТОТ:
Овие Иранци за кои зборувате со денови… дали се сега со нас во собата?

ПАЦИЕНТОТ (со доза на нетрпеливост):
Секако дека се! Не ги гледате? Сакаат да станам нивен врховен лидер!

Терапевтот прави кратка пауза, запишува нешто и продолжува мирно.

ТЕРАПЕВТОТ:
И што им одговоривте?

ПАЦИЕНТОТ (на граница на навреденост):
Слушате ли вие воопшто? Им реков — никако!

Терапевтот го гледа пациентот неколку моменти, потоа повторно запишува нешто во тетратката.

ТЕРАПЕВТОТ:
Зошто?

ПАЦИЕНТОТ (нервозно, но самоуверено, со повишен тон):
Сериозно? Какво прашање е тоа? Јас веќе сум крал на Соединетите Американски Држави, врховен лидер на Венецуела… наскоро и крал на Гренланд… и ел команданте на Куба. Многу сум зафатен!

Терапевтот полека ја спушта тетратката покрај себе и го гледа својот пациент со тивко неверување.

(завеса)

Текстот е сопственост на ЦивилМедиа.мк