Published: Wednesday, January 20, 2016 12:27
Научниците од Северна Кореја тврдат дека го измислиле првиот алкохол кој не предизвикува пијанство.
Тие велат ликерот бил направен од екстракти од женсен, за кој претставниците од Пјонгјанг велат дека е “еликсир на животот“ и дека лекува САРС и сида. „Корио ликер“ е производ на државната фабрика Таедонганг Фудстаф.
– Ликерот Корио е направен од шестгодишен женсен и од прегорен ориз, и луѓето го обожаваат бидејќи не предизцикува пијанство, пишува „Пјонгјанг Тајмс“.
Експертите од оваа индустрија во светот ги исмејуваат ваквите тврдења и велат дека е невозможно да се произведе алкохол кој доколку се пие неизмерно, не предизвика состојба на пијанство.




