Севернокорејскиот лидер Ким Џонг Ун се појави во јавноста за прв пат од 3 септември, вели официјалната новинска агенција на земјата.
Агенција КЦНА во вторник рече дека Ким “даде насоки ” во новоизградена станбена област на научниците.
Дневниот весник Родонг Синмун направи неколку фотографии од Ким, кој со помош на бастун извршил увид на терен.
Отсуството на 32-годишниот лидер ја поттикна серијата на шпекулации за неговата здравствена состојба.
Некои набљудувачи велат дека Ким може да е болен од артритис или проблеми во зглобот на колкот. Други го поставуваа прашањето дали тој има се уште контрола на државата.
Сликата земена од страна на весникот Родонг Синмун очигледно го покажува Ким Џонг Ун во посета на станбена површина за научниците – на 14 октомври 2014.
Фотографиите се само слики, така што е невозможно да се знае колку лесно Ким Јонг Ун одел – дали тој одел за долго, дали тој стоел едноставно заради фотографот?
Иисто така невозможно е да се каже дали стапот на сликите е помош поради лекување и продолжување на претходната болест, или за да му помогне по операција.
Она што сликите јасно го покажуваат, сепак, е дека тој е во центарот на моќта.
Еден од луѓето кој очигледно виси на секој негов збор е Хванг Пуонг-со, генерал кој ја предводеше делегацијата во Јужна Кореја пред 10 дена. Во тоа време, имаше трескавични шпекулирања дека ова би можело да значи дека воениот лидер е тој што всушност контролира.
Но, ново-објавените слики укажуваат на тоа дека Ким Џонг Ун останува како човек на врвот. Може да се протолкува како значајно дека посетата беше на станбен комплекс за сателитски научници – кои работат на ракетна технологија.