Потпретседателката на СДСМ, Радмила Шеќеринска при денешната посета на најпогодениот дел од синоќешните поплави во Скопскиот регион, изрази сочувство на сите семејства кои ги изгубија најблиските.
– Сакам да ги повикам сите граѓани, пред се на Скопје, но и на цела Македонија, да се приклучиме и да им помогнеме на нашите сограѓани, на нашите соседи, на сите оние на кои помошта им е најпотребна, изјави Шеќеринска која во следните неколку часа ќе ги посети Црешово и Инџиково.
Таа апелира дека е потребна вода за пиење, потребна е храна, потребна и е физичка помош, за да секое семејство се спави со ужасот коијшто им ги уништил куќите.
Воедно како што рече таа, тие очекуваат институциите поорганизирано да се вклучат во средувањето на состојбата.
– Очекуваме институциите многу поорганизирано и многу побрзо да се вклучат во средување на состојбите. За жал секаде кадешто влеговме има недостиг на струја, има недостиг на вода за пиење. Најголема е потребата за пумти и агрегати коишто ќе им овозможат на граѓаните да се спасат од водената стихија којашто се уште е тука. Земајќи предвид дека и за денеска се најавени врнежи сметаме, повикуваме, ние ќе бидеме присутни на терен, секој од нас може да помогне, дополни Радмила Шеќеринска од кризните региони.