Според директорот на театарот, Валентин Светозарев фестивалот има целосна поддршка од Министерството за култура и градоначалникот на Битола, и првото издание ќе се одржи во јули во рамките на битолското културно лето „БитФест“.
– Шекспирови фестивали низ светот има многу, но на овој дел од Балканот нема ниту еден, или поконкретно од Полска па до југот на Европа нема ниту еден. На фестивалот во Битола ќе се играат Шекспирови дела од разни театри од Европа и светот и секогаш меѓу 6 до 7 интернационални претстави ќе има само една домашна македонска претстава, изјави Светозарев
Фестивалот ќе биде отворен со претставата „Ромео и Јулија“, заеднички проект на Народен театар-Битола, театарот „Вера Комисаржевскаја“ од Русија, Македонската опера и балет и фестивалот „Охридско лето“.
– Основниот мотив за организирање на овој фестивал беше нашиот престој во театарот „Глоб“ во Лондон од каде ќе користиме секаква помош. Нивните водечки луѓе потврдија отворена соработка како и нивното доаѓање на свеченото отворање во Битола, вели Светозарев.
