Published: Monday, April 3, 2017 10:25
Собранието на Mакедонија денеска ќе ја продолжи конститутивната седница на која се расправа за избор на претседател, заменик на претседателот, членови и нивни заменици на комисијата за прашања на изборите и именувањата.
Пријавени за првата точка – избор на претседател и членови на комисијата се 51 пратеник за дискусија. Претходните расправи заглавуваа на процедурални забелешки и меѓусебни обвинувања за тоа кој ја кочи седницата.
Пратениците од ВМРО-ДПМНЕ бараат отфрлање на Платформата на албанските политички партии или распишување нови парламентарни избори. СДСМ, пак, инсистира да се изберат членовите на Комисијата, а потоа и претседател на Собранието, по што ќе се гласа за програма на Владата.