Јавивме веднаш во Пожарна и во полиција и екипите набрзо дојдоа. По направениот  увид, чекаме истрагата да ги утврди причините за пожарот на  возилата, ни  рече Шилегов.

Поранешниот градоначаник на Скопје, Петре Шилегов , чие возило „ауди“ е целосно опожарено во пожарот што се случи утринава во 3.20 часот на улицата „Петре Пирузе“ во скопската населба Тафталиџе, за НоваТВ изјави дека очекува истрагата да ги утврди причините за пожарот на неговото и на уште три возила кои беа оштетени.

– Јавивме веднаш во Пожарна и во полиција и екипите набрзо дојдоа. По направениот  увид, чекаме истрагата да ги утврди причините за пожарот, ни  рече Шилегов.

Неговото возило е целосно изгорено, а од останатите три опожарени возила, едното е повеќе оштетено, а двете делумно, според првичните сознанија.

Како што веќе објавивме   ,  рано утрово на улицата „Петре Пирузе“ се случил пожар во кој изгорел автомобилот марка „ауди“ во сопственост на Шилегов, а  освен неговиот, се запалиле и уште три возила – „пасат“, „матиз“ и „нисан“. Причините за опожарувањето на автомобилите сеуште не се познати.

(Љ.Б.)