Најмалку половина од летовите на француската авиокопманијата „Ер Франс“ се откажани низ целиот свет откако пилотите прогласија еднонеделен штрајк соопштува Еј-Би-Си Њуз.
Лути што компанијата со цел да се држи во чекор со конкуренцијата почнала да ги менува работните места и ги спуштила цените на превозникот вработените го започнаа штрајкот.
Од “Ер Франс“ ги повикуваат патниците да ги променат или одложат патувањата проценувајќи дека само 48 проценти од летовите ќе можат да се реализираат.
Францускиот закон за работен однос го прави процесот на отпуштање на вработени или склучување на договори во време кога една компанија има финансиски проблем скап и сложен. Француската авиокомпанија минатата недела најави инвестициски план со кој би заштедиле една милијарда евра во текот на следните години.
Синдикатот на пилотите повикува на штрајк со кој се очекува да се подобрат условите според планот.
Воздухопловните власти во Париз изјавиле дека само половина од летовите на „Ер Франс“ се реализирале надвор од аеродромите Шарл де Гол и Орли.
На Шарл де Гол веќе се појавиле патници кои сакале да ги променат своите билети, а откажаните летови биле тргнати од екраните за пристигнување и поаѓање.
„Сфатив дека нешто не е во ред кога видов дека мојот лет не се покажуваше на екранот за поаѓање. Се надевам дека ќе се вратам во Виена на време за одам на работа“, вели австриски турист.
Освен синдикатите на „Ер Франс“ и синдикатите на „Луфтханза“ се закануваат со напуштање на работата на аеродромот во Франкфурт, така што ќе спречат поаѓања од најголемиот авиопревозник во Германија на најпрометниот аеродром.
Двете страни се во спор околу побарувачката на пилотите „Луфтханза“ да им исплаќа за оние што сакаат да се пензионираат порано, додека авиокомпанијата сака да ги укине овие исплати.