Градоначлничката на ВМРО-ДПМНЕ, Данела Арсовска, не работи ништо, покажува неспособност и незаинтересираност за проблемите на скопјани. Наместо да менаџира, единствено што прави е постојано да бара пари и помош од Владата, реагира Гордан Шутаров, генерален секретар на СДММ и советник во Советот на Град Скопје.
– Бара пари од Владата за ЈСП а Владата има обезбедено 70 милиони евра за превоз во Скопје. Бара пари за парно, а Владата обезбедува 80% од трошоците за актуелната цена на парното. Во исто време додека бара пари, Арсовска вработува 109 партиски војници на ВМРО – ДПМНЕ“, се вели во реакцијата на Шутаров.
Арсовска, како што се вели во реакцијата, нема пари за парно за скопјани, а одвојува 670.000 евра за вдомување партиски војници.
– Тоа се 70% од парите кои Арсовска треба да ги одвои за парното за скопјани, за кое владата покрива 80% од цената. Арсовска не сака да даде 1 милион евра за парно за скопјани да не добиваат повисоки сметки за парно, но затоа немаат проблем да потрошат 670.000 евра за вдомување на партиски кадри. Несериозни и неодговорни се тврдењата дека Буџетот веќе бил донесен, секој Буџет па и оној на Град Скопје може да претрпи измени, односно да се направи ребаланс, особено во периоди на глобални кризи, како што е енергетската криза, смета Шутаров.
Владејачката партија и порачува на Арсовска, Славевски и на ВМРО-ДПМНЕ да направат ребаланс, нека се откажат од вдомувањето партиски кадри во Град Скопје и ќе успеат да најдат еден милион евра за да се субвенционира покачувањето на топловдната енергија.
– Недозволиво е градоначалничката на Скопје да покажува целосна негрижа за своите сограѓани, недозволиво е да бара оправдување за нејзината тотална неспособност, рече Шутаров.