Синдикатот на работниците од трговијата денеска бараат од Комисијата за хартии од вредност да ја провери компанијата која сака да го преземе Макпетрол АД Скопје.
– При одлучувањето дали ќе дадете дозвола на понудата за преземење најпрво да проверите кое лице навистина стои зад преземањето, бидејќи очигледно е дека компанијата со 1.000 евра капитал не може да обезбеди сопствени средтсва за да го изврши преземањето, односно чиј е капиталот кој служи за преземање, а после тоа посебно да се провери дали тој кој стои нависитна зад преземањето е угледен и искусен стопанственик во нафтениот бизнис, кој има кредибилитет и нуди гаранции дека нема да бидат загрозени работничките права на над 2 илјади вработени во Макпетрол АД Скопје и компаниите каде Макпетрол е сопственик.
Од Синдикатот велат дека доколку не се постапи на ваков начин пред се за да се заштитат правата на работниците, а со тоа и егзистенцијата на голем број семејства, ќе преземат други мерки на заштита на работничките права.