Започна потпишување на колективните договори за скалесто покачување на платата.
Колективните договори за модните компании „Мода“ и „Камотекс“ од Свети Николе беа потпишани во петокот, од страна на претседателот на Синдикатот за текстил, кожа и чевли (СТКЧ) при Сојузот на синдикатите на Македонија, Љупчо Радовски и директорот на фирмите, Ангел Димитров, кој воедно е дел од Организацијата на работодавачи на Македонија.
Информацијата на споделија од ССМ.
„Ваквите колективни договори ќе продолжат да се потпишуваат и во другите работни организации каде што работниците се членови на Синдикатот за текстил, кожа и чевли. Со носење на законот за минимална плата и ставот на ССМ за скалесто зголемување на платите по коефициент на сложеност, СТКЧ почна со потпишување на колективните договори на ниво на работодавач и членки на Синдикатот со кој се регулира скалестото покачување на платите“, информираат од ССМ и додаваат дека со ова се уредуваат и други права од работниот однос за кој синдикалниот преставник ќе биде вклучен во креирањето на политиките и одлуките кои се носат од страна на работодавачот.
Од ССМ информираат и дека течат преговорите во владиниот Економски совет за скалесто зголемување на платите во стопанството, јавниот сектор и администрацијата.
(Б.Б.)