Сингапур целосно вакцинираше 80% од своето население, кое брои 5,7 милиони жители, објави денеска министерот за здравство, цитиран од Ројтерс.
Агенцијата пренесува дека сега Сингапур е земјата со најмасовна имунизација против новиот коронавирус и тоа е предуслов за понатамошно олеснување на ограничувањата.
-Преминавме уште една пречка, откако 80% од нашето население ги прими неопходните две дози, напиша министерот за здравство Онг Је Кунг на Фејсбук.
Ова значи дека малата азиска земја има највисоко ниво на целосна вакцинација во светот, според базата на податоци на Ројтерс за вакцинација против Ковид-19 ширум светот. Властите претходно најавија дека дополнително ќе ги ублажат антиепидемиолошките ограничувања откако ќе се достигне целта од 80% од населението да е вакцинирано.