Во Сирија е прогласен прекин на огнот на барање и договор на Русија и САД и според западните извори досега билансот е позитивен. Биле сигнализирани неколку инциденти но, според Обединетите Нации, тие биле брзо надминати. Сепак, ОН тврдат дека треба да се почека барем уште еден ден за да се извлече вистински биланс од овој прв прекин на огнот.
Работната група се состана во Женева во петокот на неколку часа пред стапувањето на сила на прекинот на огнот кој е прифатен од сите страни во конфликтот освен од страна на џихадистичките групи како терориситичката организација Исламска држава и Фронтот Ал-Носра кој е сириската бранша на Ал-Каида.
Центри за контрола почнаа да работат во Вашингтон, Москва, Сирија, Јордан и Женева преку кои се следи прекинот на непријателствата. Доколку прекинот не се почитува, се ставаат во погон центри за аларм како што договорија Москва и Вашингтон а во групата се и повеќе земји од меѓународната група за поддршка на Сирија. Според ОН, воениот одговор, ако до него дојде, мора да биде последен и пропорционален.
Примирјето треба да фаворизира политичко решение на конфликтот преку соработка на повеќе регионални и меѓународни сили кои им даваат поддршка на ривалите во конфликтот.
Доколку прекинот на оган биде почитуван, тогаш ќе продолжи хуманитарната помош а ОН ќе свикаат повторно мировни преговори во Женева во март.
Претходната мировна конференција беше прекината поради тоа што сириската опозиција бараше испраќање на хуманитарна помош пред да почнат мировните преговори.
Досега оружјето во Сирија молчи и ова е вистинска преседан од самиот почеток на конфликтот во 2011 година.
Договорот за прекин на огнот почна во петокот на полноќ по локално време а инцијатори со Русија и САД, два големи актери во конфликтот. Нивната иницијатива доби зелено светло од ОН која донесе едногласна резолуција за поддршка на прекинот на оган.
Овој договор се однесува на борбените зони каде се водат борби помеѓу силите на режимот кои ја имаат руската поддршка и сиријските бунтовници со исклучок на џихадистичките групи Исламска држава и Фронт ал-Носра кои контролираат 50 отсто од територијата.
Конфликтот влегува во својата шеста година и досега во него загинаа 270.000 луѓе а тој ја разурна земјата и натера половина од сириското население да тргне на патот на егзилот со што се дестабилизираати Блискиот Исток и Европа поради бројот на бегалците.