Предметите „Скопје 2014“, „Актор“ и „Космос“, од неодамна се во рацете на Специјалното јавно обвинителство (СЈО), соопшти денеска обвинителката Катица Јанева на прес конференција.
Таа истакна дека овие предмети ги превземале од Обвинителството за организиран криминал. Како што рече Јанева за нив, СЈО веќе имало отворено и предистражни постапки.
Воедно Јанева побара да се донесат соодветни решенија со цел обвинителството по истекот на мандатот во 2020 година да функционира во рамки на Основното јавно обвинителство за да гони корупција од висок профил.
„Законски мандатот на СЈО не е изминат и затоа уверени сме дека ќе се преземат мерки за импелентација на стратегијата за реформи во правосудниот сектор и ова обвинителство ќе постапува согласно кривичниот закон и законот за кривична постапка во функција на остварувањето на мисијата за што е формирано ова обвинителство“, рече Јанева, додавајќи дека СЈО ќе поднесе нови обвиненија до судот доколку и овозможат роковите.
Таа ја поздрави одлуката на апелацискиот суд прислушуваните разговори да се користат како докази во судски постапки.