Обвинителката од СЈО Елизабета Јосифовска, по ослободителната пресдуа од Судот, рече дека тие остануваат на ставот дека обвинението за бесправно изградените три викендички во Зелениково е издржано и најави дека тие ќе поднесат жалба за пресудата.
„Ние остануваме на ставот дека обвинението е издржано. Тоа што институциите не реагирале не може да биде основ тие да се ослободат од кривично гонење“ рече обвинителката на СЈО Јосифовска.
Судијката ги ослободи Драган Павловиќ и неговите браќа за бесправното градење на три викендички во Зелениково бидејќи како што рече „задача на градежните инспектори била да го спроведуваат законот, а за објектите не реагирал никој од државата“.