Аферата со коњско месо после низата потреси низ Европа, ги повлече и Словенија и Хрватска, пишува хрватскиот Портал Индекс, повикувајќи се на словенечката државна новинска агенција СТА.
Коњско месо било пронајдено во 450- грамски лазањи кои на словенечкиот пазар ги извезува “Ледо Хрватска” , произведени од Трад од Луксембург а засега “Ледо” не дава никакви коментари. Словенија спровела тестирање на околу 350 различни производи и од 29 примероци тестирани досега, само еден е позитивен.
Директорот на словенечката Дирекцијата за безбедност на храна, Јернеј Дрофеник, открил дека инспекцијата евидентирала 350 различни производи кои спаѓаат во ризичната група.
Првиот тест бил спроведен на 29 примероци, од кои 28 биле негативни и еден сомнителен бил испратен за понатамошно тестирање на Националниот ветеринарен институт, каде што е потврдено дека тој бил позитивен на коњско месо.