Во Културно-информативниот центар (КИЦ), Салон 19 19, вечерва пијанистката Дуња Иванова одржа концерт насловен „Кругови“.
Концертот обединува музика на тројца автори кои со својот уникатен музички израз чинат неверојатна приказна.
Централен дел од програмата беа четирите пиеси со истоимен наслов од композиторот и пијанист маестро Дино Имери.
Мотивот на пијанистот и композитор Имери да ги напише овие музички нумери кои вечерва ги претстави пијанистката Дуња Иванова, е содржината на романот „Кругиви“ на современата македонска писателка Тина Иванова.
Романот „Кругови“ е четиво кое низ интимен и искрен раскажувачки тон ги отвора прашањата за повторувањата и пресвртот во животот, за круговите што нè враќаат кон себе, но и кои нè водат кон нови патеки на себеразбирање.
Актерите на концертот во Салон 19 19, Дуња Иванова, Дино Имери и Тина Иванова, публиката ги награди со највредното за уметникот – искрен и топол аплауз.
Фото: Дарко Попов