Диана Тахири: По незнам кој пат – Скопје не е град, не е село, не е цивилизирана населба. Скопје одамна не претставува место за минимално достојно живеење – еднаш неделно се празнат канти за смет (за обични канти од оние зелените се работи, оти и да ни постават канти за селекција на сметот, нема да знаеме кое во што оди), улични кучиња преку ноќ ги превртуваат и растураат, кантите преполни со секаков смет, во голем дел органски.
И без кучињата, низ улиците се шири смрдеа, дење ноќе, а комунални служби ни за лек.
Јавен градски превоз – ако дочекате да ви дојде автобусот на време, или приближно 15 мин подоцна, не се радувајте, големи се шансите на сред нигде и сегде шоферот да соопшти дека треба да се симнете оти автобусот или ќе се запали или одеднаш престанува да функционира.
А тие новите автобуси ,,на струја” што власта ги најави пред две години, и сега повторно, и којзнае уште колку пати, никој не ги очекува, од немање време од чекање по постојки сакаш врне сакаш вее сакаш 45 степени.
Скопје не е град.
Туку е само населено место за чии жители властите немаат обезбедено основни услови за чиста животна средина, нормален јавен превоз, проодни тротоари, здрава инфраструктура…
А Скопје европскa престолнина на културата!
Извор: Фејсбук