Скопјанка уценувала повозрасен сограѓанин дека ќе обелодени фотографии и видео со компромитирачка содржина

Џ.К. била лишена од слобода и кај неа биле пронајдени дел од парите што ги добила од оштетениот.

СВР Скопје поднесе кривична пријава против Џ.К.(31) од Скопје, поради постоење основи на сомнение за сторено кривично дело „уцена“, казниво по член 259 од Кривичниот законик. Како што денеска соопштија од МВР, таа се сомничи дека го уценувала Д.И.(59) од Скопје дека на социјалните мрежи ќе објави фотографии и видео материјал со компромитирачка содржина доколку не ѝ даде пари. По преземени мерки од полициски службеници при СВР Скопје во координација со Основното јавно обвинителство Скопје Џ.К. била лишена од слобода и кај неа биле пронајдени дел од парите што ги добила од оштетениот.