Скопје ја одбележува 62-годишнината од катастрофалниот земјотрес што се случи на утртешен ден, на 26 јули 1963 година кога животот го загубија 1.070 лица, а над 3.000 беа повредени.
Земјотресот ја разурна скоро третина од тогашната македонска престолнина и остави повеќе од 200.000 луѓе без покрив над глава.
Во чест и сеќавање на жртвите, вечерва во Музејот на град Скопје ќе биде отворена трајна изложба насловена „Скопје за време на земјотресот и потоа“, посветена на трагедијата и на периодот на обнова што следеше.
Градот и годинава, како и секоја претходна, организира активности на денот на несреќата која го промени Скопје засекогаш. Земјотресот се случи утрото во 5 часот и 17 минути. Урнати биле 15.800 станови, а оштетени 28.000.
Генералното собрание на 27 септември донесе одлука за приоритетна помош за главниот град на Република Македонија, а на 14 октомври беше изгласана Резолуција за поддршка за реконструкцијата на Скопје.