„Комисијата за избор на игран филм кој ќе ја претставува Македонија во трката за најреномираната филмска награда ОСКАР во категоријата филм од неанглиско говорно подрачје, составена од Горјан Тозија претседател и членовите: Лабина Митевска, Сашко Коцев, Дуле Кардалевски и Игор Алексов – Битлс, донесоа срамна одлука оваа година Македонија да нема свој претставник“, смета Скопје Филм Студио.
– Со ова, тие го прекршија првиот член на статутот на ДФРМ, каде пишува дека тоа е организација составена од филмски професионалци кои ќе се грижат за промоција и афирмација на македонскиот игран филм. Во образложението на оваа комисија се вели дека Македонија оваа година ќе остане без свој претставник за Оскар, затоа што филмовите според темите и начинот на кој се прикажани не биле адекватни да бидат прикажани пред членовите на американската академија! Ваквото образложение е недоветно и смешно.
– Ништо нема да може да го симне срамот, кој што оваа група го направи на филмот и културата воопшто. Затоа сакам да им поставам неколку прашања.
Од Скопје Филм Студио поставуваат прашање до Лабина Митевска: Дали нејзиниот филм “Јас сум од Титов Велес” го смета за порелевантен претставник за Оскар? И како тоа филмот „Соба со Пијано“ што го поканивте да го отвори ИФФК „Браќа Манаки“, филмот за кој ме убедувавте дека мора да биде во конкуренција за награда, затоа што бил добар, филм за кој по Премиерата ми честитавте, рековте дека е одличен, одеднаш сега според вас не е адекватен да биде кандидиран за Оскар. И што значи неадекватен филм?
Прашање до Сашко Коцев од Скопје Филм Студио: Дали смета дека филмот “Трето полувреме”, каде тој ја игра главната улога, е неуспешен бидејки не доби номинација или пак беше важно да ја претстави државата и културата во најдобро можно светло? Или актерската игра на твоите колеги од “Соба со пијано” не ги задоволува твоите стандарди? Или можеби е неадекватна?
Скопје Филм Студио смета дека останатите двајца членови на комисијата, бидејќи не работеле на игран филм не ги сметам за компетентни во носењето на вакви сериозни одлуки. Тие немаат кредибилитет да членуваат во ваква комисија.
„Горјан Тозија немам потреба да го прашувам ништо. Ова име со години наназад е симбол на темната страна на филмот, личност поради која македонскиот филм е постојано обоен со скандали и скаламуции. Човек кој ДФРМ го претвори во гранапче за отстварување на ситни лични профити. Го повикувам веднаш да си замине од функцијата претседател на ДФРМ.
– Бидејќи е јасно дека оваа комисија предводена од Тозија не може да функционира нормално, колегијално и во духот на филмот, го повикуваме Управниот одбор на ДФРМ под итно да се состане и да ја преиспита целата процедура за избор на македонски кандидат за Оскар.
– Се надеваме дека сепак ќе се изнајдат сили и законски можности да се корегира одлуката и Македонија да добие свој претставник за Оскар“, соопштуваат од Скопје Филм Студио.
Претседателот на Комисијата на Друштвото на филмски работници на Македонија, Горјан Тозија- Медо за НОВА излезе со одговор до Салковски и Иванов во врска со соопштението:
.jpg)
-Соопштението е простачко, полно со невистини и говор со омраза и тоа не е стил со кој комуницираат филмски луѓе во светот.
Toa e локален говор каде и припаѓаат и режисерот и продуцентот на филмот.
За она дали јас сум работел во Кино око- јас од 2007 не работам никаде а за Кино око сум работел како слободен филмски работник, како што сум работел за МГМ, Ворнер брадерс и Дрим Воркс.
Воедно, не гледам потреба од толкава паника и стресови, бидејќи ако филмот не е адекватен за Америка, можеби е за Кан и можеби би добил Златна палма, што јас од срце им посакувам.
Одлуката беше донесена едногласно и комисијата е таа која одлучува за нашиот кандидат, предложен од ДФРМ а верификувано од Американската филмска академија.
Ме зачудува што на прес-конференцијата по премиерата на филмот тие веќе самите се прогласија за македонски кандидат за оскар, пред воопшто да го видиме филмот.
Притисоците не беа пријатни да се чувствуваат, вели во реакцијата Горјан Тозија за НОВА.