Влезот на скопската населба Топаана е блокиран од локалното население- поставени се контејнери на влезовите, а стотина граѓани не дозволуваат пристап на полицијата ниту на минувачи, јавува Телма.
Жителите на Топаана велат дека се револтирани од бруталноста на полициските специјалци кои синоќа дошле во населбата во потрага по затвореник од Идризово, кој избегал откако бил пуштен на викенд.
По синоќешната акција на полицијата, ситуацијата ескалирала откако жителите го попречувале приведувањето на затвореникот и четворица од нив биле приведени, а петмина повредени жители од бруталноста на полицијата.
Своите тврдења жителите ги поткрепуваат со видео материјал снимен во една локална продавница.
Видеото е преземено од 24 вести.