Познат скопски бизнисмен е заинтересиран да ја добие франшизата за Мекдоналдс, за Македонија, дознава Лидер.
Два месеци откако Мекдоналдс стави клуч на своите продавници и се уште нема сигнали од повторно отварање на синџирите за брза храна, во јавноста се шпекулира дека освен Јаневски и скопски бизнисмен, кој исто така е влезен во угостителскиот бизнис, пројавил интерес за рестораните на Мекдоналдс.
Рестораните на Мекдоналдс се присутни во 37 земји во Европа. Освен Македонија, Мекдоналдс нема ланец на ресторани и во Албанија, Косово. Во Црна Гора ресторанот е затворен наводно поради лошата локација.
Европа е вториот по големина пазар за „Мекдоналдс“, каде што функционираат повеќе од 7.400 ресторани, од кои над 74 отсто се под франшиза. Дневно се опслужуваат 14 милиони корисници и вработени се 415.000 лица. Првиот ресторан во Европа е отворен во Холандија, во 1971 година.