Еден-два-три победа на натпреравувачи од Кенија на 14. издание на Скопскиот маратон. Најбрз на целта пристигна Еванс Кипкемои Бивок кој делницата на асфалтот низ главниот град ја мина со време од 2:14,08 часа. Нецела минута (+51 секунда) послаб резултат забележа неговиот сонародник Џон Лангат, а третото место го освои Хосеа Кипротич (2:28,58 часа). Александар Кираџиев ја оправда улогата на еден од неколкуте македонски адути кој заврши како петти (2:42,48 часа).
Полумаратонот за Дарио Ивановски
Дарио Ивановски, пак, успешно комплетира уште една настап. По Белград неодамна, македонскиот полумаратонец триумфира претпладнево и во Скопје. Времето што притоа го постигна гласи 1:09,10 часа. Најдобар во трката на пет километри беше Богдан Цветковски.
На годинашното издание на Скопски маратон учествуваа рекорден број на натпреварувачи (преку 10.000 во сите четири трки – маратон, полумаратон, штафетен маратон и трка на пет километри) од рекорден број на земји (58).