Откако беа спречени да одат кон седиштето на ВМРО ДПМНЕ, од двата влеза на улицата „Даме Груев“ , демонстрантите во знак на револт се вратија на Рекорд, поминаа пред канцеларијата на претседателот Иванов каде претходно ги искршија прозорците ,а овој пат и на Министерството за правда.
Демонстрантите удираа со шишиња, столици, а дојде и до судир со полицијата откако еден полицаец опцу демонстрант затоа што крши. Во турканиците настрада и новинарот на Плус Инфо Горан Наумоски, кој е удрен со пендрек во главата и е пренесен со возило на Итната возило во Градската болница.
Неофицијално, неколку лица се приведени од страна на полицијата. Специјалците ги растеруваат демонстрантите со зборовите „господа време е да си одите дома“.
Пред половина час, полицаец удри со пендрек по глава фотограф, кој во моментот е во добра состојба. Толпата се движи кон „Илинденска“ и најверојатно ќе продолжи со протест пред Влада бидејќи пред седиштето на ВМРО ДПМНЕ не им беше дозволено. Протестот трае повеќе од три часа , а ситуацијата се менува од минута.