Словачка од денеска го презеде претседавањето со ЕУ во следните шест месеци.

Словачка, која е членка на ЕУ од 2004 година, преседавањето со блокот официјално го презеде од Холандија од ноќеска на полноќ.

Во претстојниот период Унијата ја очекува старт на преговорите за напуштање на Велика Британија и почеток на расправата за иднината на блокот.

Во пресрет на стартот на претседавањето со Унијата, словачката Влада ги објави своите приоритети на кои ќе се посвети во следните шест месеци.

– Создавање економски силна Европа, искористување на можностите што ги нуди заедничкиот европски пазар, воспоставуавање баланс во мигрантската и политиката на азил и зајакнување на улогата на ЕУ во светот, се четирите приоритети наведени во документот на словачката Влада објавен во пресрет на преземањето на претседателството.

 

По повод презмањето на претседавањето, европратеникот од Словачка Едвард Кукан во изјавата најави можност да се притисне и процесот на проширување со Западен Балкан.

kukan

– Словачка претставува токму она што и треба на ЕУ: политичка зрелост, непоколеблива европска перспектива и доверба во иднината. Словачка е во цврста позиција да го води Советот и да ги демонстрира вредностите во ЕУ членството.

Мораме Европа да ја направиме подобро место за своите граѓани и да стане посилна на глобалната сцена. За жал, Брегзит го засени стартот на претседавањето на Словачка. Се обрзуваме да ја одиграме нашата улога да се справиме со ситуацијата и да најдеме најдобро решение за земјите-членки, вели Кукан.

За време на словачкото преседавање со ЕУ, на 16 септември во Братислава ќе се одржи нефромална средба на шефовите на држави или влади на членките на Унијата, што ќе биде прв Самит на ЕУ надвор од Брисел од 2010, кога е решено средбите на врвот да се одржуваат во седиштето на Унијата, а не во земјите претседавачи.

Исклучокот е направен на инсистирање на словачкиот премиер Роберт Фицо, која побарал самитот да се оджри во Братислава, бидејќи „Брисел има негативна репутација во Европа“.

Главна тема ќе биде иднината на блокот по британската одлука за напушатње на европскиот проект.