Словaчкиот премиер Роберт Фицо попладнево најави оставка, три недели по убиството нa новинарот Јан Куциак кој истражуваше случај на корупција. Во овој напад животот го загуби и неговата пријателка Мартина Кушнирова.
“Денес му ја понудив мојата оставка на претседателот на државата Андреј Кишка. Ако претседателот ја прифати јас сум подготвен да заминам уште утре”, изјави Фицо.
Според изјавата на Фицо, претседателот на државата треба да прифати коалицијата на власт да продолжи да ја води земјата за да нема предвремени избори.
Денес ЕУ побара од Словачка брзо да го расчисти овој случај на убиство на новинар и да соработува со европското биро за борба против корупција ОЛАФ.
“Првиот приоритет за сите нас е да се спроведе независна и сериозна истрага за настануите и одговорните да бидат изнесени пред правдата. Ги повикуваме словачките власти тоа брзо да го сторат”, изјави европскиот комесат Џулијан Кинг, пред пратениците на Европскиот парламент денес во Стразбург.
Европол, европската агенција за борба против криминалот, на 28 февруари испрати екипа за да и помогне на словачката истрага.
Последниот текст на новинарот се однесуваше на односите помеѓу италијански бизнисмени осомничени дека се поврзани со италијанската мафија ‘Ндрангета и словачки политичари.