Адвокатката Наташа Пирц Мусар победи во вчерашниот втор круг од претседателските избори во Словенија и ќе стане првата жена шеф на државата во земјата, покажуваат прелиминарните резултати.
Пирц Мусар (54) освои 53,86 отсто од гласовите во вториот круг, додека нејзината ривалка, десничарската политичарка и поранешна министерка за надворешни работи Анже Логар, освои 46,14 отсто, според податоците на изборната комисија врз основа на 99 отсто преброени гласови.
„Ќе дадам се од себе да бидам вистински претседател за сите, да работам за основните и уставни човекови и демократски права и демократија“, изјави Пирц Мусар по објавувањето на својата победа.
Иако неговата улога е главно церемонијална, претседателот е врховен командант на Вооружените сили на Словенија и исто така назначува неколку високи функционери, вклучително и гувернерот на централната банка. Повеќето од номинациите мора да бидат потврдени од парламентот.
Новата претседателка на Словенија, земја членка на ЕУ и НАТО, ќе го замени Борут Пахор, кој е активен во политиката 30 години. Поранешниот претседател Борут Пахор, кој служеше два петгодишни мандати, во јавноста често го нарекуваа „претседател на Инстаграм“ поради неговата честа употреба на социјалната мрежа.
Пирц Мусар, поранешна ТВ презентерка стана беше гласна во кампањите за човекови права, владеење на правото и прашања за социјална заштита.
Нејзината ривалка Логар, е член на десничарската Словенечка демократска партија (СДС) на поранешниот премиер Јанез Јанша, која ги загуби парламентарните избори во април од Движењето за слобода на Роберт Голуб.